DEARG-RUAṪAIR ĊONAILL ĊEARNAIĠ 99

láidir treasna a ṫaoiḃ agus a ċolna go ndearnaḋ ḋá ordán
de idir scéiṫ agus claiḋeaṁ, corp is caṫḃarr, agus do ḃain
a ċeann de, agus do ċuir ar an ngad é.
  “Is maiṫ liom an ceann so do ḃeiṫ agam ar an ngad.”
ar sé, “agus is deiṁin go ndioġailfad-sa Cú Ċulainn ar
ḟearaiḃ Éireann.”  Do ċuir sé an ceann go Teaṁraiġ, agus
ṫáinig féin i ndiaḋ an ṁaḋma soin ag marḃaḋ is ag díoṫ-
láiṫriuġaḋ muinntire Eirc gur torċraḋ leis caogad curaḋ
um dóirsiḃ na Teaṁraċ.
  Annsoin is eaḋ ṫáinig Muireaḋaċ mac Fearġusa amaċ
agus caogad eile mar aon leis do ḋioġailt Eirc ar Ċonall,
agus d’ḟág céad laoċ eile ar gaċ doras de ḋoirsiḃ na
Teaṁraċ.  Agus ṫáinig céad laoċ leis féin agus d’a leadraḋ
coṁrac do Ċonall, agus d’ionsuiḋ an caiṫṁíliḋ coscraċ
céim-ċalma .i. Conall, an ċomrac;  agus do ġaiḃ d’a leadraḋ
is d’a síor-ḃualaḋ de ḃéimeanaiḃ boirb-neartṁara agus de
ṡáiṫtiḃ síor-luaṫa agus de ġonaiḃ doiṁne doileiġis gur
ṫuiteadar, an céad laoċ soin, leis.  D’imṫiġ Muireaḋaċ
féin ar teiċeaḋ go míolaoċas d’ionsuiḋe na coda eile d’a
ṁuinntir, agus mar do ráinig an dara doras de ḋóirsiḃ
agus do ġaiḃ d’a aiṫisiuġaḋ de ḃúiṫriḃ móra, agus d’ḟógair
coṁrac air.
  Mar do ċulaiḋ Conall san líonas roḃarṫa móir-ḟeirge
agus raċt aigeanta é, agus ṫáinig go mór-ḋásaċtaċ d’a
n-ionsuiḋe gur ṫuit céad laoċ eile do’n ḃorb-ruaṫar soin.
Do ċuaiḋ Muireaḋaċ uaiḋ ar éigin gus an treas doras agus
leanas Conall go sanntaċ sáir-neartṁair é, agus do ġaiḃ
ag leadraḋ na laoċaraḋ gur imṫiġ Muireaḋaċ de ṫoraḋ a
luaṫais gus an ceaṫraṁaḋ doras.  Aċt ċeana, do ṫuit céad
laoċ ar gaċ doras díoḃ le Conall; agus do ḋioġail sé náire
ar Ṁuireaḋaċ mac Fearġusa, óir do diṫċeannaḋ le Conall é
ar lár-ṁeaḋon na Teaṁraċ.  Annsoin do ċuir sé an ceann
ar an ngad agus aduḃairt dá mbeaḋ tiġearnas na dúiṫċe
díleas do Ṫeaṁraiġ go loiscfeaḋ í.  “Aċt ó’s é imleacán
agus port oireaċtais Éireann é,” ar sé, “ní loiscfeam é
do’n ċor so.”
  Ṫáinig Conall roiṁe amaċ go maḋmaċ móir-éaċtaċ d’éis
ar ṫuit leis de ċuraḋaiḃ na Teaṁraċ;  agus, an t-eolas i
n-ar ġaiḃ, ṫárla Conlaoċ mac Faṫaṁuin dó agus é iar n-a