88 RUḊRAIĠEAĊT

  Dála Éiṁre, bean Ċon Culainn, do ḃí sí ar ṗortaiḃ is ar
árdaiḃ is ar ṁúraiḃ an ġrianáin ag féaċain ar an maiġ
uaiṫe agus ag éisteaċt le gaċ scéal d’a mbeireaḋ uirṫe.
Níor ċian di lá mar soin ag féaċain i n-a timċeall an tan
ċonnairc sí an t-aon ṁarcaċ ṫar maiġ ne hEaṁna d’a hion-
suiḋe agus é ag teaċt go lag anḃfainneaċ ainéascaiḋ, agus
do ġaiḃ criṫeagla ṁór í d’a ḟeicsin, óir d’aiṫin gurab é
Laeġ mac Rianġaḃra do ḃí ann.
  “Is fíor soin,” ar Éiṁear, “is é seo Laeġ mac Rianġaḃra
agus an Duḃḟaoilean d’ár n-ionsuiḋe iar ḃfágáil Ċon Culainn
agus na Léiṫe Maċa marḃ ar Ṁaiġ Muirṫeiṁne fá linntiḃ
fola agus fá ċaobaiḃ cró, agus is doiliġ díoġḃálaċ liom naċ
iad Cú Ċulainn agus an Liaṫ Maċa ṫáinig dom’ ionsuiḋe,”
ar sí.  “Óir is iomḋa lá ṫángadar go meanmnaċ mórḋálaċ
’san tsliġe úd d’ionsuiḋe na hEaṁna.”
  Ar ḟeicsin Laeġ do luċt an dúna ṫángadar, bantraċt
agus fileaḋa agus fíor-ollaṁain na hEaṁna, amaċ i n-a
ċoinne agus d’ḟiafruiġeadar scéala ḋe.  D’innis Laeġ a
scéal dóiḃ ó ṫúis go deireaḋ.  Iar gclos na scéal soin do
ċáċ do ṫógadar gárṫa móra troma taiḋḃseaċa agus gola
árda uaṫḃásaċa éagcaoineaċa fíor-ṫruaiġe ag mnáiḃ, ag
Laeġ rómpa go Dún Dealgan agus fuaireadar an dún iar
n-aloscaḋ rómpa, agus do ġluais Éiṁear is a bantraċt mar a
raiḃ corp Ċon Culainn agus do leagadar pobuill áluinn
ioldaṫaċ ós cionn a ċoirp agus do ṡuiḋeadar, an ḃantraċt,
i n-a ṫimċeall agus do ġaḃdar ar ḋéanaṁ doiġis is doḃróin
ós a ċionn.
  Is annsoin ṫáinig Leaḃarċom d’ionsuiḋe Éiṁre, agus
aduḃairt Éiṁear léi dul ar lorg Ċonaill Ċearnuiġ ar fuaid an
doṁain ṁóir;  “agus innis dó,” ar sí, “Cú Ċulainn do
ḃeiṫ marḃ.”  Do ġluais Leaḃċom roimpe go ráinig go
hinḃear mór i gríċ Cuailgne, agus do ċonnairc aon long ag
gaḃáil cuain ann.  Ṫug baraṁail guraḃ í an Eangaċ do ḃí
ann .i. long Ċonaill Ċearnaiġ, agus téid d’a hionsuiḋe.
Ṫáinig Conall Cearnaċ as an loing, agus cuirios fáilte roiṁ
Leaḃarċoim, agus cuirios Leaḃarċom fáilte roiṁ Ċonall
Cearnaċ agus d’innis dó scéal Ċon Culainn mar do marḃaḋ
é le fearaiḃ Éireann.