BRISLEAĊ ṀÓR ṀAIĠE ṀUIRṪEIṀNE 71

’san ġleann, agus do ċualadar foġar na fial-ḃuiḋne ’san
mbruiġin ag fleaḋ-ól agus ag aoiḃneas ag cur meanman ar
Ċoin Ċulainn, agus do ḋealḃuiġeadar caṫa aḋḃal-ṁóra le n-a
ndraoiḋeaċt, agus do ṫógadar trom-ġárṫa torran-ṁóra
marḃṫaċa i ndóiġ Ċon Culainn do ṫarrac orṫa.
  Ar gclos na ngárṫa úd ’san mbruiġin, do ṫógadar gáir
aḋḃal-ṁór ceoil agus aoiḃneasa ós árd ċum ná tiuḃraḋ Cú
Ċulainn d’a úiḋ no d’a aire iad.  Agus níor ḃ’ḟearrde ḋóiḃ,
óir is túisce ċualaiḋ Cú Ċulainn na trom-ġárṫa ’ná a ṁuinn-
tear, agus is eaḋ aduḃairt:  “Is truaġ soin,” ar sé.  “Is
mór na gárṫa so do ċluinim ag fearaiḃ Éireann ag créaċtaḋ
na cóige go coitċeann, agus ṫáinig críoċ mo ṡaoġail-se
anois; ní ḃeiḋ maṫṁaoine go bráṫ dom’ éis, agus do cailleaḋ
an ċóige ḋe.”
  “Leig seaċad soin, a Ċú Ċulainn,” ar Caṫḃaḋ, “agus
ná taḃair dod’ aire iad, óir ní ḃfuil aċt sian-ġárṫa siḋe
ionta d’ar ċumadar, clann Ċailitinn, ċuġat-sa; agus ná
cuir suim ionta, aċt coṁnuiḋ mar a ḃfuil tú ag ól agus ag
aoiḃneas.”
  Aċt ċeana, níor leig Caṫḃaḋ agus an ḃantraċt do Ċoin
Ċulainn aire ṫaḃairt do ċlainn Ċailitinn an tan soin.  Agus
ba ró-ṫuirseaċ clann Ċailltinn de sin go nduḃairt Baḋb
inġean Ċailitinn: “Deiniḋ anṁain annso go ndeaċad-sa
do’n ġleann ós a ċionn.”  Air sin do ġluais sí roimpe ’n-a
haon-ruaṫar go beag-náireaċ ċum na bruiġne, agus do ċuir
í féin, tré ḋraoiḋeaċt, i rioċt mná de ṁnáiḃ coiṁdeaċta
Néiṁe inġean Ċealtċair, agus do ġoir léi an rí agus an
ḃantraċt as an mbruiġin amaċ no go ndeaċadar fá’n gleann.
An tan ṫángadar go diaṁair an ġleanna, do ċuir an ḃaḋb
ceó draoiḋeaċta idir iad féin agus an ḃruiġin, agus ṫáinig
féin uaṫa, óir do ḃí a ḟiois aici gur ḃain Niaṁ mionna de Ċoin
Culainn gan dul d’ionsuiḋe fear nÉireann go dtugaḋ sí féin
cead dó.
  Annsoin do ċuir an ḃaḋb deilḃ is éagcosc Néiṁe uirṫe féin
agus ṫáinig mar a raiḃ Cú Ċulainn agus aduḃairt leis na
sluaiġte d’ionsuiḋe, no muna ndeineaḋ gur ċaillte a ceannas
agus a ċóige go bráṫ.
  “Is truaġ,” ar Cú Ċulainn agus is deacair taoḃ do
ṫaḃairt le mnaoi ṫar t’éis-se; óir do ṡaoileas-sa ná tiuḃarṫá
an cead soin dom ór an doṁain ar ṁaiṫeas na cruinne