DEARG-RUAṪAIR ĊONAILL ĊEARNAIĠ 103

ṫáinig Éiṁear amaċ, agus is eaḋ aduḃair:  “Mór ceann iad,
agus fáilte roṁat, a riġṁíliḋ.  Ní bás dom’ Ċoin créaċt
iomḋa na hEaṁna ó ṁaireas fear dioġalta fala d’Ultaċaiḃ
d’a éis.  Déantar a aḋlacaḋ feasta, agus leigtear mise im’
ionad-sa i n-a ḟoċair ’san uaiġ, óir is duḃaċ doṁ-sa marṫain
d’a éis.  Agus innis dom cia hiad d’uaisliḃ fear nÉireann
ar na biorċuailliḃ i dtimċeall na faiṫċe.”  Annsoin do rin
Éiṁear an laoi, agus do ḟreagair Conall í mar leanas:

A Ċonaill, cia leó na cinn
  Ó’s dearḃ linn gur ḋeargais d’arm
Na cinn seo ċím ar an ngad
  Sloinntear leat fios a n-ainm.

A inġean oiḋearc na n-eaċ,
  A Éiṁear na mbreaṫ mbinn,
Is i ndioġail Ċon na gCleas
  Ṫugaṡ ċuġat andeas na cinn.

Cia an ceann mallaċtaċ mór?
  Dearg mar rós a ġruaḋ ġlan
Is é is neasa ḋom’ leiṫ ċlí,
  Ceann an tsaoi nár ṫréiġ a ḋaṫ.

Ceann rioġ Miḋe na n-eaċ mear,
  Earc mac Cairbre na ngruaḋ ndearg,
Is i ndioġail mo ḋaltáin féin
  Ṫugas i gcéin a ċeann dod’ ḟarraḋ.

Cia an ceann so dom’ leiṫ ċlí?
  Dearg a lí, gan loċt a ḋealḃ
An ceann ciḋ ṫárla gan ċorp
  Maiṫ liom cé holc le Meaḋḃ.

Máine mear ó meaiġ na n-eaċ,
  Mac Meiḋḃe do ċreaċ gaċ cuan,
Do scaras a ċeann le n-a ċorp,
  Liom-sa fós do ṫuit a ṡluaġ.