104 RUḊRAIĠEAĊT

Cia an ceann ar ṁ’aġaiḋ anonn
  Go ḃfolt ḃfionn go mala sinn?
Rosc mar oiḋre, déid mar ḃláṫ,
  Is áilneaċt ós cruṫ an ċinn.

Is leis siúd do ṫuit an Ċú
  ’Sé raid a ċorp ’n-a ċrú'ṫais
Luġaiḋ mac Conroi na mbeann
  ’Ga dtugas a ċeann ṫar ais.

Cia’n dá ċeann ar ṁ’aġaiḋ ṡoir,
  A Ċonaill na ngail ngaoiṫ?
Geal a n-aġaiḋ, duḃ a ḃfolt,
  Dearg a ngruaḋ le fuil laoiġ.

Cinn Ṁaoil is Ṁaḋma ṁóir
  An dá ċeann san is dóiġ linn;
Is aca fuaireas ceann na Con
  Ar múr Teaṁraċ na scor slim.

Cia’n dá ċeann ar ṁ’aġaiḋ ṫeas,
  A Ċonaill ṁóir na gcleas lúiṫ?
Aondaṫ ar ḟoltaiḃ na ḃfear,
  Dearg a ngruaḋ, geal a ngnúis.

Cuileann Breaġ is Connla cruaiḋ,
  Dís do ḃeireaḋ buaiḋ le feirg:
A Éiṁear, ’s iad san a gcinn
  D’ḟágas a gcuirp fó linn deirg

Cia hiad an seisear is olc scéiṁ
  Do ċím féin ar ṁ’aġaiḋ ṫuaiḋ?
Gorm a n-aġaiḋ, duḃ a ḃfuilt,
  Agus a ruisc ar ḋaṫ an ġuail.

Is iad súd na sé baiḋḃe,
  Marḃ millte ’s a mbéil le gaoiṫ
Clann Ċailitinn luċt na gcleas
  Dream naċ raiḃ ar leas mo laoiċ.