A ṪÁINIG GO H-ÉIRINN          39

ṫioɼmuig ſé iad aguſ do ġlan ſé iad ⁊ ċuiɼ
ſé aɼ altóiɼ iad aguſ d’íḋbiɼ ſé iad ċun
na ndéiṫe úd.
  Níoɼ ḃ’ḟada guɼ ḋíol an feaɼ boċt aſ an
gcleaſ ſan.  Deineaḋ taiḃɼeaṁ dó.  Do
taiſbeánaḋ dó go ɼaiḃ pɼóca óiɼ i ḃfolaċ aɼ
bɼuaċ na faɼaige i n-a leiṫéid ſiúd de ċúinne,
aguſ do taiſbeánaḋ an cúinne ḋó.  D’imṫig
ſé ſa n-oiḋċe ag loɼg an óiɼ.  An ḟaid
a ḃí ſé ag taíde aɼ an óɼ ṫáinig fomaɼaiġ
iſteaċ ó’n ḃfaɼaige aguſ do ɼugadaɼ aiɼ aguſ
ċuiɼeadaɼ aɼ bóɼd na loinge é, ’ġá ḃɼeiṫ
leo.  Do ġeall ſé láiṫɼeaċ deiċ míle púnt
dóiḃ aċ é leigint uaṫa.  Ġáiɼeadaɼ.  “ Dá
ngeallṫá beagán,” aɼ ſiad,  “ b’ḟéidiɼ go
gcɼeidfí ṫu.”
  Do ɼugadaɼ leo é aguſ ḋíoladaɼ é ’n-a
ſcláḃaċ.


                       An Múine :

  Tá daoine ann aguſ nuaiɼ ḃíon teinneaſ
nú tɼioblóid oɼṫa ba ḋóiċ leat oɼṫa go
dtaḃaɼfidíſ an ſaoġal móɼ do Ḋia na
glóiɼe, molaḋ go deo leiſ !  Anſan, nuaiɼ
caſtaɼ ſláinte oɼṫa aguſ ḃíon an ſaoġal
aɼ a dtoil acu, níoɼ ḋóiċ leat oɼṫa aon
Dia ḃeiṫ i n-aon ċoɼ ann.  Iſ olc an ċɼíċ
a ḃeiɼean a leiṫéidí, aṁ.  Iſ i ndiaiḋ an
tſaiḋḃɼiſ a ḃíd go dtí go dtagan an fomaɼaċ,
.i. an t-áiɼſeóiɼ, oɼṫa aguſ go mbeiɼean ſé
ċun ſiuḃail leiſ iad.