BRISLEAĊ ṀÓR ṀAIĠE ṀUIRṪEIṀNE 63

Earc do láṫair.  “A Eirc,” ar Meaḋḃ, “cia do ṁairḃ
t’aṫair?”
  “Cú Ċulainn do ṁairḃ é,” ar Earc, “i gCaṫ Rois na
Rioġ ós Bóinn.”
  “Is fíor san,” ar Meaḋḃ, “agus tionóltar mór-ṡluaġ
liḃ-se do ḋioġailt ḃur n-aiṫreaċ agus ḃur gcarad uile ar
Ċoin Ċulainn.”
  Do ġaiḃ Earc le n-a n-ais ċum an mór-ṡluaġ soin do
ḟreagairt agus d’imġiġ féin agus Maicniaḋ agus Conṁac d’a
n-árusaíḃ féin, agus do ḃíodar ċeiṫre ollċóige Éireann go
socair síoṫċánta go dtáinig am imṫeaċta ḋóiḃ.  Annsoin do
ṫionóladar na Cóigeaḋaiġ agus ṫángadar go Cruaċain agus
do ḃíodar trí lá agus trí oiḋċe ann, agus i gcionn na haimsire
sin do ḃluaiseadar as an mbaile amaċ, agus is í sliġe do
ġaiḃ siad ṫar Maiġ Cruinn agus ṫar Tuaim Móna agus ṫar
Maiġ Finn, áit ar ṫuig Fionn mac Loinn ċraosaiġ le Coin
Ċulainn, agus as soin go Seanáṫ ris a ráiḋtear Áṫ leaṫan
Luain.  Do ġaḃdar sosaḋ agus longṗort na hoiḋċe sin ann-
soin, agus d’eirġeadar i moċ na maidne ar n-a ḃáireaċ agus
ṫángadar go Gleann an Eoin agus go Gleann Mór agus go
Crónloċ ris a ráiḋtear Loċ Luaṫa an tan so.  Do ġaḃdar
longṗort an oiḋċe sin, agus do ġluaiseadar ar maidin i sna
ródaiḃ ró-réiḋe go rángadar Taillte Taoḃuaine, agus do
ġaḃdar longṗort na hoiḋċe sin ann, agus do hairdgeaḋ leó an
ċríoċ ba ċoinṁneasa ḋóiḃ.  Agus mar do ċualadar, Con-
ċuḃar mac Faċtna agus maṫa Ulaḋ, an ċríoċ d’a creaċaḋ
is d’a coṁloscaḋ le mór-ṡluaġ Meiḋḃe agus le míleaḋaiḃ
Muṁan agus le laoċraḋ Laiġean agus le curaḋaiḃ Connaċt,
d’ḟaifruiġ Conċuḃar rí Ulaḋ cá háit a raiḃ Leaḃarċom.
  “Atáim annso,” ar sí.
  “Éiriġ,” ar Conċuḃar, “agus gluais roṁat ar lorg Ċon
Culainn agus taḃair ċuġam é, óir is ċuige do rineaḋ na
sluaiġte ceilge seo a ċluinimíd do ċnuasaċ; agus fágaḋ sé
Dún Dealgan agus Maġ Muirheiṁne agus tigeaḋ dom’
ionsuiḋe-se gan fuireaċ go hEaṁain Maċa, agus fanaḋ ar mo
ċoṁairle agus ar ċoṁairle Ġeanainn Ġruaḋṡolais mic
Ċaṫḃaiḋ agus Feirċertne file agus a n-aos ealaḋan, óir má
ḃeirid na sluaiġte ceilge úd air agus draoiḋeaċt ċlainne
Cailitinn tuitfiḋ sé leó.  Agus dá ḃfanaḋ ar mo ċoṁairle-
se do ċeilfiḋe orṫa é no go mbeireaḋ Conall Cearnaċ orainn,