56 RUḊRAIĠEAĊT

scéiṫe Feirdia ag a ṫuargain anuas.  Do raid Feirdia buille
d’a ġlúin ċlí i leiṫ na loinn-scéiṫe gur ċuir Cú Ċulainn fó
linntiḃ.  Is annsoin ṫug Feirdia teóra trom-ġoin ar Ċoin
Ċulainn.  Scartas agus scréaċas Cú Ċulainn ar Laeġ ag
gaḃáil láiṁe ar an ngae bulga d’inneall dó.  Fóbras Laeġ an
gae d’inneall, aċt níor leig giolla Feirdia soin dó.  Fear-
guiḋtear Laeġ annsoin d’a ríriḃ le n-a ḃráṫair, agus ṫug
siḋe d’a ionsuiḋe, agus iaḋaiḋ a ḋá láiṁ ṫairis gur ṫreascair
go talaṁ é agus gur ċuir craipill fó ċéadóir air.
  As a haiṫle sin, go soláṁaċ sár-ċalma, do líon an sruṫ
agus d’ḟáisc agus d’innill an gae bulga, agus d’ḟógair do
Ċoin Ċulainn an gae bulga do ḟrioṫálaṁ, óir ní ṫaḃarṫaiḋe
gan raḃaḋ roiṁe é.  Iar n-a ḟeicsin do ġiolla Ḟeirdia, do
scread go fír-ṁillte, ó naċ raiḃ ar ċumas dó a ṫiġearna
do ċaoṁnaḋ ná giolla Ċon Culainn do ċosc.  Ód’ ċonnairc
Feirdia a ġiolla ar n-a ṫraoċaḋ agus an gae bulga iar n-a
inneall, do raid béim de’n scéiṫ síos do ḋíon íoċtair a
ṁeaḋoin.  Is annsoin do ṫeilg Cú Ċulainn an ceart-ġae
do ḃí i n-a láiṁ de lár a ḋeárnan ṫar bile na scéiṫe agus ṫug
urċar de i mbrollaċ a ċoḋain-ċneis do’n ċuraḋ gurab roiġne
an leaṫ alltraċ de iar ndul tré n-a ċroiḋe.
  Do raid Feirdia béim d’a scéiṫ suas do ḋíon a ḃraġaid
agus a ċléiḃ, gé’r ḃ’í an ċaḃair iar ndéis.  Do ṫeilg Cú
Ċulainn an gae bulga a laḋair a ċoise annsoin agus ṫug
urċar de d’ionnsuiḋe Ḟeirdia go ndeaċaiḋ tré’n ḃfuaṫḃróig
iomḋaingin iarnaiḋe aiṫleiġte go neaċaiḋ tré san mbuaiḋ-
ċloiċ agus tré ċompar ċléiḃ agus ċroiḋe ’san gcaiṫṁiliḋ
gur ḃa lán gaċ alt agus gaċ ionad d’a ḟurránaiḃ frais-
ġeára.
  “Is leór san, a Ċu Ċulainn, a ċumainn ċroiḋe,” ar Feirdia,
“agus gaḃaim ar  son mo ré agus mo ṡaoġail agus anois nár
ċóir gan coṫrom coṁraic do ṫaḃairt dom agus mé im’
ḟíor-ċaraid agus im’ ċoṁḋalta gaisce agat.”  Agus aduḃ-
airt feasta an laoi seo le doiṁeanmain:

A Ċú na gleas gcain,
  Ní deas duit mo ġoin;
A láṁ gan loċt rom-lean
  Is ort ró-ḟear m’ḟuil.