D’imiġ an ḃó ansan, aċ ṫáinig sí arís
tráṫnóna agus ṡeas sí sa doras nó gur
ċrúiġ an ḃean í.
  Lean an scéal mar sin ar feaḋ tamaill
--an ḃó ag teaċt ċun an dorais agus an
ḃean ag fáil canna mór bainne uaiṫi maidin
is tráṫnóna.

                             II

  Maidin aṁáin, ní raiḃ an canna folaṁ
nuair a ṫáinig an ḃó. Ṫug an ḃean léi
tobán ba ḋá ṁó ná an canna.
  Ḃí an ḃó ag tál bainne nó go raiḃ an
tobán lán.
  “ Is iontaċ an ḃó í sin,” arsa an ḃean
ḃoċt. “ Pé árṫaċ a ċuirim fúiṫi líonann sí
dá bainne é.”
  Ḃí éad ag an mnaoi eile léi, cé go raiḃ fiċe
bó ḃainne aici féin. Ḃuail sí isteaċ ar
cuairt ċuici, lá.
  “ Is iontaċ an ḃó í seo agat,” ar sise.
  “ Sí an ḃó is fearr in Éirinn í,” arsa an
ḃean ḃoċt. “Pé árṫaċ a ċuirim fúiṫi
líonann sí dá bainne é.”
  “ Tá árṫaċ sa tiġ seo,” arsa an ḃean eile,
“ agus ní hárṫaċ mór é, agus cuirfead geall
leat ná líonfaiḋ sí de bainne é.”