Ḃí gráḋ riaṁ ag na Gaeḋil d'á dtír féin,
agus is iomḋa laoċ calma a ṫug a anam ar
a son.  Duine ḋíoḃ san ab eaḋ an Tiġearna
Éamon Mac Gearailt a fuair bás sa ḃliaḋain
1798, nuair ná raiḃ sé aċ ḋá ḃliaḋain déag
is fiċe d'aois.
  Fear óg daṫaṁail a ḃí ann.  Ḃí sé fial
flaiṫeaṁail agus ḃí gráḋ ag gaċ éinne ḋó.
  Ḃeartuiġ sé Éire do ṡaoraḋ ó Ṡasana.
Ġríosuiġ sé fir óga ċun ċaḃrú leis agus ḃí sé
socruiġṫe aca éirġe amaċ i Mí Bealtaine 1798.
Ḃí ḟios ag na Sasanaiġ an rud a ḃí 'na aigne
ag an dTiġearna Éamon.  Ba ṁian leo é ċur 
ċun báis aċ ní raḃadar ábalta é ġaḃáil.
Ġealladar annsan míle púnt a ṫaḃairt do'n
duine a scéiṫfeaḋ air.  Ḋein spiaḋaire an
droċ-obair.  Ḃí an tiġearna Éamon ag cur fé
i dtiġ i Sráid Ṫomás i mBaile Áṫa Cliaṫ