ḃíomar go léir ag magaḋ fé.  B'é Séamus Ó
Néill a ċaiṫ an léim ab aoirde agus tugaḋ
camán mar ḋuais dó.
  B'é "An Rás sa tSac" an comórtas ba ṁó
greann ann.  Dáréag garsún a ḃí sa rás
agus ḃí gaċ duine aca istiġ i sac.  Ṫuit triúr
aca ċoṁ luaṫ agus ċrom siad ar riṫ.  Ṫáinig
poll sa tsac a ḃí ag Míċeál Ó Dálaiġ agus
ċuir sé amaċ a ḋá ċois.  Ḃí sé ag riṫ ar a 
ḋíċeall nuair do ċuir an múinteoir as an
gcomórtas é.  B'é Seán Ó Floinn a ḃuaiḋ an 
rás san agus fuair sá peann mar ḋuais.
  Ḃí "Tarraing Téide" annsan idir garsúin
an Ġleanna agus garsúin an Ċnuic.  Ní raiḃ
bogaḋ as aon taoḃ aca ar dtúis aċ fuair
garsúin an Ċnuic an láṁ uaċtair sa deire.
  "Mo ġreiḋn go deo siḃ!" ars'an múinteoir,
"is ionnaiḃ féin atá an neart."
  Ṫug sé bosca milseán mar ḋuais dóiḃ.  Aċ
is deas an dream garsún iad.  Ṫug siad cuid
de sna milseáin do sna garsúin eile.
  Ġaiḃ siad go léir buiḋeaċas leis an múinteoir
annsan agus ċuaiḋ siad aḃaile.