Ċuaiḋ Aoḋ Ruaḋ agus a ċompánaiġ ar ḃórd
ċoṁ maiṫ le cáċ.  Tugaḋ go leor fíona le n-ól
dóiḃ.  Ḃí ceol agus siamsa aca, agus níor
ṁoṫuiġ siad an t-am ag sleaṁnú ṫart.
  Fé ḋeire duḃradar gur ṁiṫid dóiḃ ḃeiṫ ag
imṫeaċt.  Aċ mo léan !  Ḃíodar fé ġlas.  Ní
raiḃ a gcuid claiḋeaṁ le feicsint.  Ḃíodar
'na bpríosúnaiġ !
  Nuair a ṫáinig an ṁaidean ní raiḃ Tír Conaill
ná Loċ Súiliġe le feicsint.  Ḃí an long ar a 
sliġe go Baile Áṫa Cliaṫ. 
  Nuair a ṡroiseadar Baile Áṫa Cliaṫ cuireaḋ
Aoḋ Ruaḋ agus a ċompánaiġ i bpríosún sa
ċaisleán.
  Na Sasanaiġ a ḋein  an droċ-gníoṁ so mar
ḃí ḟios aca go raiḃ gráḋ mór ag Aoḋ Ruaḋ
d'Éirinn.