caipíní fionnaiḋ a ḃíonn orṫa," arsa Taḋg.
"Tá a lán beiṫiḋeaċ ins na tíorṫa san mar
atá an beiṫir, an rón, an faolċú, agus an
madra ruaḋ.  Marḃann na fir na ḃiṫiḋiġ
sin, feannann siad iad agus deineann siad
cótaí de'n gcroiceann."
  "Cad é an sórt tiġṫe a ḃíonn aca," arsa
Liam.  "Tiġṫe déanta de ṡneaċta a ḃíonn
aca," arsa Taḋg.  "Ḃíonn doras beag íseal ar
an dtiġ.  Do leigfeaḋ doras mór an iomarca
fuaċta isteaċ.  De'n tsneaċta a ḋeineann siad
an troscán leis aċ ḃíonn sé clúduiġṫe le
fionnaḋ."
  "Níor ṁaiṫ liom tiġ de'n tsórt san," arsa
Liam.  "B'ḟearr liom suiḋe ar an ḃféar ná
ar ċaṫaoir sneaċta."
  "Aċ ní ḃíonn aon ḟéar ins na tíorṫa san,
a ṁic," arsa Taḋg.  "Ní ḟásann aon niḋ ionnta
mar bíonn an talaṁ clúduiġṫe le sneaċta i
gcóṁnuiḋe."
  "Agus cad  iṫeann na daoine?" arsa Liam.
  "Iasc is mó a iṫeann siad." arsa Taḋg.
  "Cá ḃfaġann siad an t-iasc má ḃíonn
sneaċta ann i gcóṁnaiḋe?" arsa Liam.
  "Beireann siad ar a lán iasc ins na haiḃne
sa tsaṁraḋ," arsa Taḋg.  "Iṫeann siad feoil