70                          AESOP

    AN PRÉAĊÁN AGUS AN CRÚSCA

  Ḃí ſaṁɼaḋ bɼoṫalaċ tiɼim ann.  Ḃí an
talaṁ i n-a ḃalc, an féaɼ i n-a ẛnuíſ, an iṫiɼ
i n-a ceó, an ġɼian ag ſgoltaḋ na gcɼann,
aguſ “ an pɼéaċán ag cuɼ a ṫeangan amaċ ”
le neaɼt gealáin aguſ bɼoṫail.
  Ḃí aon ṗɼéaċán aṁáin ag gluaiſeaċt tɼíd
an ſpéiɼ aguſ é i ɼoċtaiḃ tuitim ċun tailiṁ
le taɼt.
  Ċonaic ſé cɼúſca aɼ ṫaoḃ bóṫaiɼ.  Siúd
anuaſ é féaċaint an ɼaiḃ uiſge ſa ċɼúſca.
  Ḃí ſcɼugal caol aɼ an gcɼúſca.  D’ḟéaċ
an pɼéaċán ſíoſ ann.  Ċonaic ſé an t-uiſge
ṫíoſ aċ ḃí an ſcɼugal ɼó caol aguſ ní
ḟéadfaḋ ſé a ċeann do ċuɼ ſíoſ.
  Ċuiɼ ſé ċun an cɼúſca do leagaḋ aċ
ní ḟéadfaḋ ſé filleaḋ ná feacaḋ ḃaint aſ.
Ḃí ſé i gcɼuaḋ-ċáſ.  Ba ṫɼuaġ an ſgéal
é.  É i ndeiɼe an anma le taɼt aguſ an
t-uiſge anſúd oſ cóṁaiɼ a ẛúl dá ḃféadaḋ
ſé teaċt aiɼ.
  D’ ḟéaċ ſé ’n-a ṫímpal.  Ḃí gaiɼḃéal leaṫta
aɼ an mbóṫaɼ.  D’imṫiġ an ṗɼéaċán aguſ
ċɼom ſé aɼ na cloiċíní beaga do ṗiocaḋ
aguſ do ṫaḃaiɼt leiſ i n-a ġob aguſ do
ċaiṫeaṁ iſteaċ ſa ċɼúſca.  Níoɼ ḃ’ḟada guɼ
ṫáinig an t-uiſge ainíoſ aguſ guɼ ól ſé a
ḋóiṫin.

                          An Múine :

  “ Iſ cuma nú muc duine gan ſeift.”
  “ An t-é ná fuil láidiɼ ní foláiɼ dó ḃeiṫ
glic.”