92 RUḊRAIĠEAĊT

Aon ṁarcaċ ar an maiġ,
A Laeġ laoċda loinnṁir,
  Ní ceal ar ċuraḋ na gclann,
  Adeirim gurb é Conall.

Má’s é Conall atá ann,
Calma curaḋta coiṁteann,
  Do-ċiḋ ár gcara ar an maiġ
  Ní cáirdeaṁail giḋeaḋ cara.

Ṫáinig Conall roiṁe iar soin
Gus an áit a raiḃ Luġaiḋ,
  Fir an doṁain roiṁe amaċ
  Níor ḃa céim leis a gcoṁrac.

Sloinn do ċaradas, doiliġ liom,
Is ní heagal duit, ar Conall;
  Muna raiḃais ar an maiġ
  Ag marḃaḋ mic Suḃaltaiġ.

Briaṫar baoise duit-se sin,
A Ċonaill ṁic Aiṁeirġin;
  Is mé do ḃain a ċeann de,
  De Ċoin Ċulainn Ṁuirṫeiṁne

Má’s tú do ḃain a ċeann de,
De Ċoin Ċulainn Ṁuirṫeiṁne,
  Fúigfir do ċeann ar an maiġ
  I ndioġailt ṁic Ṡuḃaltaiġ.

Cáirde coṁlainn ḋom, a ḟir,
A Ċonaill ṁic Aiṁeirġin;
  Go dtigiḋ mo ċaṫa rem’ ċois
  Ós an ṁaiġ Airgeadrois.

Do-ḃéarsa soin, a ḟir,
A Luġaiḋ laoċḋa loinnṁir,
  Aċt go ḃfaġad do ḃriaṫar ann
  Naċ séantar leat mo ċoṁlann.

Do ḃeirim fóm’ ḃréiṫir díḃ
Fá mo scéiṫ is fá mo ċlaiḋeaṁ
  Aċt go dtagaiḋ mo ṡluaġ amaċ
  Ná héimeoċad aon ṁaɼcaċ.